مين اللى قال ان ساعة الغضب بنقول اللى بجد جوانا
مين اللى قال اننا بنقصد كل كلمة
كل اللى بيحصل اننا بيغلب شيطانا خيرنا
و بندور جوانا على ايه بيوجع اكتر
ما عرفش ليه بنجرح اكتر كل ما حبينا أكتر
مكــــانش قصــدى
والله غصـــب عنى
مش عارفة ليه ساعتها كرهتك أوى
يمكن لأنك أحلى حاجة فى عمرى
يمكن لأنك ميلادى و نهايتى
و ضلة فى عز شمسى
و ريح قوية قلعت جدورى
لأنك الروح اللى فيه
و النقطة فى أخر سطر جملى
ما عرفش ليه قلت اللى قلته
و معرفش ليه صدقتنى
مش قلتلك انى أووفـر
و قلت مش حتاخد على كلامى
ليه ما شوفتش عينى بتكدب كلامى
و رعشة فى ايدى بتنفى غضبى
حتى صوتى مكانش مطاوعنى
ليه مختنيش ساعتها فى حضنك
كنت سكت لكنك
مصر تصدق انى مش كدابة
طب والله كدابة فى أصل وشى
كدابة
كدابة
هناك تعليق واحد:
بجد بجد كلام جامد جدا و يعبر بقوة عن نفسية أنثى الميزان - لأني مهتم شوية بالأبراج -
اسمحيلي أرد عليكي في اللي انتي كاتباه لأني أكتر واحد ممكن يرد :
كنت شايفك لكني حسيت اني مش عارفك
كنت فاكر اني كل الحب اللي في قلبك
قسيتي عليا بكل جوارحك و انا اللي ما اتعودت منك الا الحب !
انا غلطت اني افتكرت اني حتى لو أسأتلك هتردي عليا بالحب ! دي مش أنانية مني لكني كنت فاكرك انتي الحب كنت فاكرك فوق البشر و كنت فاكر انك هتعذريني اني لسه مع البشر ! صدمتيني بجد لأني اكتشفت انك من البشر و برضه مش قادر أصدق غير انك فوق البشر
ليه مسامحتيش المرة دي بس ! ليه مبينتليش ان غضبك فوق الأحتمال - ازاي تسيبيني - دة شئ فوق الأحتمال - ليه مسيبتيش مساحة صغيرة أخش منها - ليه مديتنيش أمل في أني أصالحك
انتي عارفة انا هفضل -بسببك او بسببي مش عارف- عايش بدون روح
مهما عملتي مش هقدر أكرهك لكني هفضل طول عمري ألومك و ألوم نفسي
إرسال تعليق